Հայկական բարեգործական ընդհանուր միությունը (AGBU) «Im Armenia»՝ «Իմ Հայաստան» անվանումով զբոսաշրջային նոր հավելված է ստեղծել փոքրիկների համար:
Այն առաջին զբոսաշրջային ուղեկցորդն է Երեւանի եւ քաղաքի շրջակայքի համար: Հավելվածը հայերեն է սովորեցնում, քարտեզներ է տրամադրում, ինչպես նաեւ երկրի հանրահայտ զբոսաշրջային վայրերի գեղեցիկ գրաֆիկաներ՝ ներառյալ Էջմիածինը, Մատենադարանը, Սարդարապատը, Կասկադը եւ այլն:
Հավելվածը հասանելի է Apple-ի արտադրանքի եւ Android-ի օգտատերերի համար: Այն անգլերեն է, սակայն մշակվում են նաեւ ֆրանսերեն, իսպաներեն եւ այլ լեզուներով տարբերակները:
«Im Armenia»-ն երեխաների, ծնողների եւ ուսուցիչների համար էլեկտրոնային արտադրանքի թողարկման նախագծի մաս է կազմում: