ԱՄՆ-ից գիտնականները կապ են գտել տղամարդկանց աշխատավարձի բարձրացման եւ ծխելը թողնելու միջեւ: Նոր հետազոտության արդյունքները հրապարակվել են Annals of Epidemiology պարբերականում:
Փորձի ընթացքում գիտնականները վերլուծել են 21-65 տարիքային խմբի ներկայացուցիչների աշխատավարձի չափի եւ ծխելու մասին տվյալները եւ հայտնաբերել, որ աշխատավարձի բարձրացումը 10%-ով հանգեցրել է տղամարդ աշխատակիցների շրջանում շուրջ 5%-ով ծխելը նվազելուն:
Ինչ վերաբերում է գեղեցիկ սեռի ներկայացուցիչներին. այս դեպքում նրանք այդպիսի փոխադարձ կապ չեն նկատել: Ըստ Informing-ի, վերլուծությունը նաեւ ցույց է տվել, որ ծխելն ավելի քիչ տարածված է եղել այն նահանգներում, որտեղ աշխատավարձի մակարդակն ավելի արժանավայել է:
Հետազոտողները սա բացատրում են այն հանգամանքով, որ տղամարդիկ, ամենայն հավանականությամբ, հակված են իրենց ինքնագնահատականը կապել աշխատավարձի թվի հետ:
