Իսպանիան կոչել են եվրոպական զբոսաշրջային գլխավոր ուղղությունը նույնասեռականների համար: Այս մասին նշված է LGBT Capital միջազգային ներդրումային ընկերության հետազոտության մեջ, որից հատվածներ է հրապարակել EuroWeekly-ն:
Փաստաթղթի համաձայն, ամեն տարի ԼԳԲՏ-հանրության ճամփորդներն Իսպանիային 6.04 մլրդ եվրո են բերում: Բացի այդ, փորձագետների կարծիքով, սեռական փոքրամասնությունների ներկայացուցիչներն ուղեւորությունների ժամանակ 30%-ով ավելի շատ դրամ են ծախսում, քան ավանդական սեռական կողմնորոշում ունեցողները:
Lenta-ի փոխանցմամբ, տարեսկզբից Իսպանիան տուրիզմի շնորհիվ 37 մլրդ եվրո է վաստակել:
EuroWeekly-ն նշում է, որ սա կարող է պայմանավորված լինել այն հանգամանքով, որ 2005 թվականին Իսպանիան դարձավ առաջին երկիրը, որն օրինականացրեց նույնասեռական ամուսնությունները: Բացի այդ, ամեն տարի հուլիսին Մադրիդում աշխարհի խոշորագույն գեյ-շքերթն է անցկացվում:
Սեռական փոքրամասնությունների շրջանում ամենատարածված մյուս ուղղությունը Ֆրանսիան (եկամուտը՝ 5.9 մլրդ եվրո), երրորդ երկիրը՝ Գերմանիան (4.7 մլրդ եվրո):