Հինգշաբթի օրվա սակարկությունների ընթացքում նավթի գները չափավոր բացասական դինամիկա են դրսեւորել ՝ ԱՄՆ –ում սեւ ոսկու պաշարների մեկշաբաթյա փոփոխությունների վիճտվյալների ֆոնին, այս մասին են վկայում սակարկությունների տվյալները:
«Բրենթ» հյուսիսծովային խառնուրդի հոկտեմբերյան ֆյուչերսների արժեքը նվազել է 0.69 տոկոսով, հասնելով բարելի դիմաց 50.30 դոլարի, իսկ WTI տեսակի թեթեւ նավթինը նվազել է 0.43 տոկոսով ՝ հասնելով բարելի դիմաց 46.05 դոլարի, հայտնում է «ՌԻԱ Նովոստին»:
Չորեքշաբթի օրը հայտնի դարձավ, որ ԱՄՆ-ում նավթի կոմերցիոն պաշարները (բացառությամբ ռազմավարական ռեզերվի) մեկ շաբաթվա ընթացքում, որն ավարտվել է օգոստոսի 28-ին, ավելացել է 4.7 միլիոն բարելով ՝ հասնելով 455.4 միլիոնի: Վերլուծաբանները ակնկալում էին ցուցանիշի աճ 0.032 միլիոն բարելով ՝ այսինքն մինչեւ 450.832 միլիոն: Նախարարության տվյալներով ՝ երկրում մեկ շաբաթվա ընթացքում արդյունահանումը նվազել է օրական 119 հազար բարելով՝ հասնելով 9.218 միլիոն բարելի:
