Թաիլանդի իշխանությունները կալանավորել են Բանգկոկում 20 մարդու կյանք խլած պայթյունի գործով երրորդ կասկածյալին։ Այս մասին հայտնել է ոստիկանության պաշտոնական ներկայացուցիչ Փրավութ Թավորնսիրին։
Նարաթհիվաթ նահանգի բնակչին ձերբակալել են տեղափոխել են Բանգկոկ, ասել է Փրավութ Թավորնսիրին։ Նրան կասկածում են ահաբեկչությունը կազմակերպած խմբի անդամ լինելու մեջ։
Ավելի վաղ հետաքննության շրջանակներում իրավապահները երկու օտարերկրացու էին ձերբակալել, ենթադրաբար՝ Թուրքիայի եւ Չինաստանի քաղաքացիներ։
Տեղական լրատվամիջոցների փոխանցմամբ՝ Բանգկոկի դատարանը կալանքի օրդեր է տվել ահաբեկչության մասնակցած 8 կասկածյալի համար, որոնցից 4-ը ենթադրաբար Թուրքիայի քաղաքացի են, գրում է ՏԱՍՍ-ը։