Տավուշի մարզում սեպտեմբերի 1-ին հակառակորդի կողմից վիրավորված 22-ամյա Գոռ Գեւորգյանի վիճակը դեռ ծանր է, սակայն կայուն: Այս մասին NEWS.am-ի թղթակցին ասաց Կենտրոնական կլինիկական զինվորական հոսպիտալ Արամ Ասատուրյանը:
«Այսօր անջատել են արհեստական շնչառության ապարատը, գիտակցության է եկել, թեեւ վիճակը շարունակում է ծանր մնալ»,- ասաց նա:
Հիշեցնենք, որ Գոռ Գեւորգյանն ունի որովայնի եւ կրծքավանդակի վիրավորում, վերջույթների բազմաթիվ բեկորային վնասումներով: Նա վիրահատվել է:
Ավելի վաղ NEWS.am-ը հայտնել էր, որ ադրբեջանական կողմը սեպտեմբերի 1-ին մի քանի ժամ գնդակոծել է Տավուշի մարզի սահմանամերձ Այգեպար և Չինարի գյուղերը: Պաշտպանության նախարարության մամուլի քարտուղար Արծրուն Հովհաննիսյանը հայտնել է, որ կա երկու վիրավոր՝ ժամկետային զինծառայողներ 19-ամյա Վլադիմիր Արամի Գեւորգյանը, եւ 22-ամյա Գոռ Համբարձումի Գեւորգյանը։