ՉԺՀ Չժեցզյան նահանգում ոստիկանությունը ձերբակալել է մի տղամարդու, ով հաշվեհարդար էր տեսել ենթադրյալ գողի նկատմամբ: Աղջկան կապել էին «ամոթի սյունին» ու ծեծել այնքան մինչեւ նա ուշագնաց է եղել: Ծեծողներին չի կանգնեցրել նույնիսկ այն հանգամանքը, որ կինը մեծ փոր ուներ, քանի որ հղի էր:
Այդ հաշվեհարդարը նկարահանվել էր, իսկ տեսագրությունը հրապարակվել ինտերնետում: Չնայած ոստիկանությունը պարզել է ծեծի հիմնական մեղավորի անձը, բայց մտադիր չէ նրան բանտարկել, գրում է Shanghaiist-ը:
Պարբերականի տեղեկություններով, 28 ամյա հղի չինուհուն բռնացրել են գողության վրա ՝ Տայչժոու քաղաքի մոտակայքում գտնվող Խենշանյցյան գյուղի բնակիչները: Համագյուղացիները հավաստիացնում են, որ օգոստոսի վերջին նա տներից մեկից գողացել է 900 յուան՝ ավելի քան 140 դոլար:
Աղջիկը խոստովանել է իր մեղքը ու վերադարձրել փողը: Նա խնդրել է բաց թողնել իրեն: Գյուղի բնակիչները խղճացել են ապագա մորը ու ոստիկանություն չեն կանչել, հաղորդում է Newsru -ն:
Սակայն 10 օր հետո ՝ շաբաթ օրը, գոյւղացիները նորից տեսել են աղջկան: Որոշելով, որ նա վերադարձել է ոչ բարի նպատակներով, տեղի բնակիչները դաժանաբար խրատել են նրան:
Ինչպես երեւում է հրապարակված տեսագրությունից ՝ հղի կնոջը կապել են սյանը, իսկ հետո ոտքերով հարվածել նրա գլխին ու քաշել մազերից: Ծեծը չի դադարել նույնիսկ այն ժամանակ երբ նա ուշագնաց է եղել:
Չինական մամուլի տեղեկություններով ՝ տղամարդը, ում մեղավոր են ճանաչել այդ ծաղրանքների համար, պատժվել է 300 յուանի չափով տուգանքով ՝ 50 դոլարից էլ քիչ:
