ՀՀ կրթության եւ գիտության նախարար Արմեն Աշոտյանն այսօր հրաման է ստորագրել` «Հանրակրթական հիմնական դպրոցի 6-րդ դասարանի «Ազգային երգ ու պար» առարկայի ծրագիրը հաստատելու մասին»:
Համաձայն հրամանի` առարկային 6-րդ դասարանում կհատկացվի տարեկան 51 ժամ, շաբաթը` 1,5 դասաժամ: 6-րդ դասարանում շարունակվելու են նախորդ տարվա ընթացքում սովորողների ձեռք բերած գիտելիքների, կարողությունների, հմտությունների եւ արժեքային համակարգի զարգացման ուղղությամբ տարվող ուսումնադաստիարակչական աշխատանքները:
Սովորողներն այս դասարանում կծանոթանան համայնքային, ծիսական, հարսանեկան եւ աշխատանքային պարերին եւ պարերգերին, կխորացնեն գիտելիքները պաշտամունքային պարերի եւ պարերգերի մասին, ինչպես նաեւ կսովորեն մանկական խաղերգեր եւ հայրենասիրական երգեր: Ծրագրում կարեւոր տեղ է հատկացվել որսորդական պարերին եւ հատկապես ռազմապարերին: