Հայաստանում էլեկտրաէներգիայի թանկացումը կհանգեցնի փոքր ու միջին բիզնեսի բազմաթիվ ձեռնարկությունների փակման: Սեպտեմբերի 3-ին լրագրողներին նման տեսակետ է հայտնել Հայաստանի գործատուների միության գործադիր տնօրեն Գագիկ Մակարյանը:
Սուբսիդիաները, որոնք կառավարությունն առաջարկում է փոքր բիզնեսին, չեն փրկի իրավիճակը, հավելել է նա: Կառավարությունը բիզնեսին սուբսիդավորում է միայն ամսական մինչեւ 250 կՎատ.ժ-ը ՝ 6.93 ական դրամով: Այլ կերպ ասած ՝ նույնիսկ փոքր բիզնեսի համար բեռը կնվազի միայն ամսական 1700 դրամով (մոտավորապես 3.5 դոլարով-խմբ.):
«Բնականաբար սա չի կարելի լուրջ աջակցություն համարել: Ու եթե խոշոր բիզնեսը դեռ ինչ- որ կերպ կարող է դիմանալ այս թանկացմանը, ապա փոքր բիզնեսի շատ ձեռնարկություններ կկանգնեն փակվելու վտանգի առաջ»,- հավելել է Մակարյանը: