Շվեդիա ժամանած փախստականների թիվը միայն օգոստոսին հասել է ռեկորդային 11 743-ի։
Անցյալ 2 ամիսների ընթացքում համապատասխան ցուցանիշները կազմել են 6619 եւ 8066։ Այս մասին հայտնում է SVT-ն՝ վկայակոչելով Միգրացիոն վարչության տվյալները։
Փորձագետների կարծիքով՝ թագավորությունը միգրանտների նման հոսք չէր տեսել 1992-1993թթ. Բոսնիայի պատերազմի ժամանակաշրջանից ի վեր։ Այն ժամանակ մեկ ամսվա ընթացքում Շվեդիա էր ժամանել 14 հազար փախստական, գրում է ՏԱՍՍ-ը։
Ըստ նախնական կանխատեսումների՝ Շվեդիան 2015թ. պետք է ընդուներ 66-80 հազար ներգաղթյալ։ Հիմա այս հաշվարկները, ըստ երեւույթին, պետք է վերանայվեն