Սիրիայից Թուրքիայի անցնել ցանկացող 21-ամյա Լ.Բ.-ն պնդել է, թե սահմանապահ թուրք զինվորն իրեն բռնաբարել է եւ հետ ուղարկել Սիրիա։
Sputniknews-ի թուրքական ծառայության հետ զրույցում Լ.Բ.-ն պատմել է, որ եղբոր եւ հոր հետ ցանկացել են անօրինական ճանապարհով մտնել Թուրքիա, որի ժամանակ իրենց նկատել են եւ հետապնդել թուրք զինվորները։
Նա նշել է, թե հետապնդման ժամանակ ինքն ու հայրը ընկել են փորված խրամատի մեջ եւ ուշագնաց եղել։ Նա շեշտել է, թե երբ ուշքի է եկել, տեսել է հայրը կողքին չէ, իսկ դիմացը կանգնած թուրք զինվորը իրեն խրամատից հանել է եւ բռնաբարել։
«Ինձ բռնաբարել են, իսկ հորս ու եղբորս ծեծել են։ Ես դիմել եմ թուրքական դատախազություն եւ պահանջում եմ, որ մեղավորները պատժվեն»,-ասել է Լ.Բ.-ն։
Դեպքի հետ կապված թուրքական դատախազությունը մանրամասներ չի հաղորդել՝ պնդելով, թե հետաքննություն է ընթանում պարզելու տեղի ունեցածը։