ԵԱՀԿ Մինսկի խումբը պետք է վերջնականապես Լեռնային Ղարաբաղի Հանրապետությանը որպես բանակցությունների լիարժեք կողմ: Այդ մասին սեպտեմբերի 3-ին կայացած մամուլի ասուլիսում հայտարարել է Եվրոպական խորհրդարանի անդամ, Եվրոպական ազատ դաշինքի ներկայացուցիչ Ջորդի Սեբաստիան, որը նախօրեին այցելել է Արցախ:
Նշենք, որ Ստեփանակերտում ստորագրվել է Եվրոպական ազատ դաշինքի եւ ԼՂՀ Ժողովրդավարական կուսակցության համատեղ հռչակագիրը: Ջորդի Սեբաստիայի խոսքով, հռչակագիրը հստակ նշում է պատերազմի բացառման անհրաժեշտությունը: «Մենք պետք է փորձենք աշխաել այն ուղղությամբ, որ Եվրոպական Միությունն իր պաշտոնական առաքելությունն ուղարկի Լեռնային Ղարաբաղի Հանրապետություն: Եվրամիությունն ունի գործիքներ, որ մարդկանց ուղարկի սահման՝ վերահսկողություն սահմանելու»,- ասել է նա: