Օգոստոսի 26-ին ոստիկանության Քանաքեռ Զեյթունի բաժնի աշխատակիցերը Երևանի Մելիքյան փողոցի մոտակայքից գողություն կատարելու կասկածանքով բերման են ենթարկել 35-ամյա Հայկ Թորչյանին:
Ոստիկանության տվյալով` կասկածյալը նույն օրը ժամը 3.00-ի սահմաններում ջարդել է Երևանի Մելիքյան 15 շենքի բակում կայանած «Օպել» մակնիշի մեքենայի ապակին ու կատարել գողություն, իսկ մոտ մեկ ժամ անց նույն փողոցում կայանած մեկ այլ «Օպելից» կրկին ապակին կոտրելով՝ գողացել ձայնարկիչ, հեռակառավարման վահանակ, ձայնային հզորացուցիչ, բուֆեր և թվային տեսախցիկ` պատճառելով 170.000 դրամի վնաս:
Գողոնն առգրավվել է, իսկ կասկածյալ Հայկ Թորչյանը ստորագրությամբ բաց է թողնվել:
Հետաքննությունը շարունակվում է:
Մանրամասները` Ոստիկանության տեսանյութում: