Արտերկիր ռուսաստանցիների զբոսաշրջային ուղեւորությունների թիվը 2015 թվականի առաջին կիսամյակում նվազել է 33.8%-ով, ինչն ամենամեծ անկումն է վերջին 20 տարիների ընթացքում: Այս մասին տեղեկացրել է Ռուսական տուրարդյունաբերության միության մամուլի քարտուղար Իրինա Տյուրինան:
Հինգշաբթի Ռոստուրիզմը հրապարակել է արտերկիր մեկնած ռուսաստանցիների եւ Ռուսաստան ժամանակ օտարերկրացիների մասին առաջին կիսամյակի վիճակագրությունը: Ընդհանուր առմամբ, արտերկիր մեկնողների թիվը կրճատվել է 24%-ով՝ մինչեւ 16.4 մլն ուղեւորություն, զբոսաշրջության նպատակով ուղեւորություններինը՝ 33.8%-ով՝ մինչեւ 5.4 մլն ուղեւորություն:
«Մենք վիճակագրությանը հետեւում ենք 1995 թվականից: Այսպիսի անկում չի գրանցվել ո՛չ 1998 թվականի (-24.4%), ո՛չ էլ 2009 թվականի ճգնաժամի ընթացքում (-22.6%)»,- Տյուրինայի խոսքերն է մեջբերում «Ինտերֆաքս»-ը:
Նա նաեւ հավելել է, որ տուրօպերատորներն այսպիսի անկումը բացատրում են ճգնաժամով եւ ռուբլու՝ 30-50% անկմամբ: «Ընդհանուր ուղեւորությունների հաշվառման ժամանակ հաշվի են առնվում են ե՛ւ գործնական, ե՛ւ մասնավոր, ե՛ւ բուժման նպատակով այցերը, որոնք ոչ միշտ կարելի է հետաձգել կամ չեղարկել նույնիսկ ամենաբարդ տնտեսական իրավիճակներում, այդ պատճառով ընդհանուր անկումը համեմատաբար մեծ չէ: Իսկ ահա զբոսաշրջության նպատակով ուղեւորությունների թվի՝ 33.8%-ով նվազումը միանգամայն համապատասխանում է շուկայում տիրող իրավիճակին»,- ասել է Տյուրինան: