Bonhams Chantilly Sale աճուրդում, որն անցկացվելու է սեպտեմբերի 5-ին, ֆրանսիական Շանտիյի քաղաքում, գնորդներին ավտոմեքենաների հետ կապված 31 իր կառաջարկի: Վաճառքի կհանվեն նաեւ Maserati Boomerang (գոյություն ունի միակ օրինակով) եւ Bugatti Type101 (6 այդպիսի մեքենա է թողարկվել) ավտոմեքենաները:
Ըստ Artdaily.org-ի, 1972 թվականին դիզայներ Ջորջետտո Ջուջարոյի ստեղծած Maserati Boomerang-ը պատրաստվել է եզակի օրինակով: Ավտոմեքենան միանգամայն սարքին վիճակում է եւ կարող է օգտագործվել ընդհանուր նշանակության ճանապարհներին: Մեքենան 310 ձիաուժ հզորությամբ 8 մխոցով շարժիչ ունի եւ մեխանիկական փոխանցման տուփ:
Ըստ Lenta-ի, աճուրդի հանված 1954 թվականի Bugatti Type101-ը նախկինում պատկանել է ամերիկյան դերասան Նիքոլաս Քեյջին: Մեքենան 190 ձիաուժ հզորությամբ 8 մխոցով շարժիչ ունի եւ մեխանիկական փոխանցման տուփ: Bugatti Type101-ն գնահատվել է 1.6-1.8 մլն եվրո:
