Սահմանում իրավիճակը վերահսկելի է, Ադրբեջանը պարզապես շարունակում է իրականացնել իր անթույլատրելի և դատապարտելի քաղաքականությունը: Այս մասին այսօր՝ սեպտեմբերի 3-ին, ՀՀԿ ԳՄ նիստից հետո լրագրողներին ասաց ՀՀԿ մամուլի խոսնակ Էդուարդ Շարմազանովը:
«Ադրբեջանի քաղաքականությունը միտված է խոչընդոտել և միգուցե փակուղի տանել բանակցային գործընթացը, որն անընդունելի է Հայաստանի ու Արցախի իշխանությունների համար, մեզ համար միակ ընդունելի ձևաչափը Մինսկի խմբի ձևաչափում բացառապես խաղաղ կարգավորումն է»,-ասաց Շարմազանովը:
ՀՀԿ մամուլի խոսնակը վստահեցրեց, որ ՀՀ զինված ուժերը վերահսկում են իրավիճակը, և որ իշխանությունը կքննարկի ադրբեջանական կողմի գնդակոծությունների հետևանքով տուժած սահմանամերձ գյուղերի բնակիչներին փոխհատուցելու խնդիրը:
«Այսօր արդեն հերոսությոն է սահմանամեերձ բնակավայրերում ապրելը և այնտեղ ապրող մեր եղբայրների ու քույրերի ցանկացած խնդիր մեր ուշադրության կենտրոնում պետք է լինի»,-ասաց նա:
Անդրադառնալով սեպտեմբերի 2-ի լույս 3-ի գիշերը Տավուշի մարզում պայմանագրային զինծառայողի զոհվելուն, Շարմազանովն ասաց, որ թե ադրբեջանական, և թե հայկական կողմից ցանկացած կորստի պատասխանատուն Ադրբեջանի իշխանությունն է:
