Հայաստանից գործարարները պատրաստվում են Համբուրգից ոչ հեռու՝ Բուխհոլց քաղաքում եվրոպական շուկայի համար ծխախոտի արտադրություն հիմնել: Այս մասին գրում է Hamburger Abendblatt-ը:
Պարբերականի փոխանցմամբ, հայաստանյան մի ընկերություն 4.6 մլն եվրոյով 6 հեկտար հողատարածք է գնել: Քաղաքային իշխանություններն առայժմ չեն նշում ձեռնարկության անունը:
«Հայերին 18 ամսով՝ մինչեւ 2017 թվականի կեսերը, շինարարության թույլտվություն են տրամադրել: Գործունեության ընդլայնման փուլում կարող է մինչեւ 70 աշխատատեղ ստեղծվել»,- գրել է պարբերականը:
«Շատ ուրախ ենք մեզ մոտ եւս մեկ ձեռնարկության ստեղծման համար: Դա նշանակում է, որ Բուխհոլցը գրավիչ է ներդրումների համար»,- հայտարարել է քաղաքապետ Յան-Հենդրիկ Ռյոսեն: