Արցախում այսօր՝ սեպտեմբերի 4-ին, վաղ առավոտյան 4 բալ ուժգնությամբ զգացված երկրաշարժը վնասներ չի հասցրել: Այս մասին NEWS.am-ի թղթակցին հայտնեցին Արցախի արտակարգ իրավիճակների նախարարությունից:
Նրանց փոխանցմամբ՝ երկրաշարժն ամենաուժեղը զգացվել է Մարտունիի շրջանում, քանի որ այն ամենամոտն է ադրբեջանական Շեքի քաղաքին, որն էլ երկրաշարժի էպիկենտրոնն է:
«4 բալ գրանցել են մեր սարքերը, բարեբախտաբար, ոչ մի վնաս չկա, ընդամենը մարդիկ զգացել են»,- հայտնեցին ԱԻՆ-ից:
Ավելի վաղ NEWS.am-ը հայտնել էր, որ Ադրբեջանում սեպտեմբերի 4-ին վաղ առավոտյան 5,2-5,3 մագնիտուդով երկրաշարժը զգացվել է Արցախում՝ նախնական 4 բալ ուժգնությամբ: Էպիկենտրոնն Ադրբեջանի Շեքի քաղաքն է, որտեղ զգացվել է 7-8 բալ ուժգնությամբ: