Սահմանադրական բարեփոխումների վերաբերյալ այսօր՝ սեպտեմբերի 4-ին, կայանալիք խորհրդարանական լսումներին մասնակցելու համար գրանցվել է 97 կազմակերպություն: Այս մասին NEWS.am-ի թղթակցին ասաց ԱԺ ՀՀԿ խմբակցության ղեկավար Վահրամ Բաղդասարյանը:
«Չեմ կարծում՝ մարդը, որին մտահոգում է մեր պետության խնդիրները, իրեն զերծ պահի Սահմանադրական փոփոխությունների քննարկումից, առավել եւս դա վերաբերում է քաղաքական ուժերին»,- ասաց ՀՀԿ խմբակցության ղեկավարը:
Նշենք, որ լսումները նշանակված են ժամը 11:00-ին:
Հիշեցնենք, որ Սահմանադրության նոր նախագիծն արդեն ԱԺ է ուղարկվել: Աշնանային նստաշրջանի առաջին քառօրյայից՝ սեպտեմբերի 15-ից, սկսվելու է նախագծի քննարկումները: Ըստ ԱԺ նախագահի՝ մինչեւ աշնան վերջ հանրաքվեն տեղի կունենա: