ՌԴ նախագահ Վլադիմիր Պուտինը հայտարարել է, որ Ռուսաստանը պլանավորում է ստեղծել ահաբեկչության դեմ պայքարի եւս մեկ միջազգային կոալիցիա, գրում է Gazeta-ն։
«Մենք իրոք ցանկանում ենք կոալիցիա ստեղծել ահաբեկչության եւ արմատականության դեմ պայքարելու համար։ Այդ նպատակով մենք խորհրդակցում ենք մեր ամերիկացի գործընկերների հետ»,- ասել է Պուտինը։
Նա նշել է, որ այդ հարցը հեռախոսով քննարկել է ԱՄՆ նախագահ Բարաք Օբամայի հետ։ Բացի այդ, զրուցել է Սաուդյան Արաբիայի, Թուրքիայի, Հորդանանի, Եգիպտոսի եւ այլ գործընկեր երկրների հետ։
Ինչ վերաբերում է «Իսլամական պետություն» ահաբեկչական խմբավորման դեմ պայքարելու համար ստեղծված ԱՄՆ ղեկավարած կոալիցիային միանալուն, Պուտինը նշել է, որ այդ հարցը օրակարգում չկա։