ՄԱԿ փախստականների հարցերով Գերագույն հանձնակատարի վարչությունը ԵՄ երկրներին կոչ է արել իրենց մեջ բաշխել եւս 200 հազար փախստականների՝ Երկրորդ համաշխարհային պատերազմից հետո առաջին անգամ Եվրոպայում փախստականների նման մեծ հոսքի կապակցությամբ։
«Մարդիկ պետք է վերաբնակեցման ծրագիր ստանան։ Նախնական գնահատականներով՝ երկրներին անհրաժեշտ է ներգաղթյալներ ընդունելու պոտենցիալը մեծացնել 200 հազարով»,- մեջբերում է AFP-ն Գերագույն հանձնակատարի վարչության ղեկավար Անտոնիու Գուտերեշին, գրում է «ՌԻԱ Նովոստի»-ն։
Ակնկալվում է, որ սեպտեմբերի 9-ին Եվրահանձնաժողովը կհրապարակի ԵՄ երկրների միջեւ փախստականներին արդար տեղաբաշխելու մշտական մեխանիզմ ներմուծելու առաջարկը։