Ոսկու գինը ուրբաթօրյա սակարկությունների ընթացքում չնչին անկում է գրանցել ԱՄՆ աշխատաշուկայի տվյալների սպասումների ֆոնին, որոնք ներդրողներին կօգնեն սահմանել, թե Դաշնային պահուստային համակարգը երբ կորոշի բարձրացնել դրույքը։

Նյու Յորքի Comex բորսայում ոսկու դեկտեմբերյան ֆյուչերսները էժանացել են 0.5 դոլարով կամ 0.04 տոկոսով եւ կազմել 1124 դոլար մեկ տրոյական ունցիայի դիմաց։  Արծաթի դեկտեմբերյան մատակարարումների գները աճել եմ 0.16 տոկոսով եւ կազմել 14.73 դոլար մեկ ունցիայի դիմաց, գրում է «ՌԻԱ Նովոստի»-ն։

ԱՄՆ աշխատանքի նախարարությունը պետք է հրապարակի օգոստոս ամսվա գործարզկության եւ ոչ գյուղատնտեսական ոլորտներում նոր աշխատատեղերի թիվը եւ հաշվետու ժամանակաշրջանի մեկ ժամվա միջին աշխատավարձը։