Աֆղանստանում մեկ շաբաթվա ընթացքում հիվանդանոց է տեղափոխվել ավելի քան 300 աշակերտուհին, որոնք թունավորվել էին անհայտ գազից, հայտնում է WCVB պորտալը: Ոստիկանությունը կասկածում է, որ այս միջադեպերը անհայտ անձանց չար ծրագրերի հետեւանքն են:
Հինգշաբթի օրը երկրի հյուսիս արեւմուտքում գտնվող Գերատե քաղաքում 115 աղջիկ դպրոցից հիվանդանոց է տեղափոխվել ինչ –որ անհայտ գազով թունավորվելուց հետո, հայտարարել է շրջանային հւվանդանոցի ներկայացուցիչ Մոհամեդ Ռաֆիկ Շերզայը: Նրա խոսքով՝ աղջիկները 9-ից 18 տարեկան են, հայտնում է «Ինտերֆաքսը »:
Շերզայը նշել է, որ սա արդեն երրորդ նման միջադեպն է այս շաբաթվա ըթնացքում այդ նույն քաղաքում: Չորեքշաբթի օրը 69 աղջիկներ թունավորվել էր այդ նույն դպրոցում: Երկուշաբթի օրը 140 աշակերտուհի է հիվանդանոց տեղափոխվել Գերատեի մեկ այլ դպրոցից ՝ որտեղ անհայտ անձինք գազ էին ցրել:
Տեղական իշխանությունները համարում են, որ թունավորման բոլոր դեպքերը միտումնավոր են կազմակերպվել, սակայն մեղավորներին չեն հայտնաբերել: Ենթադրվում է, որ սա կազմակերպել են իսլամիստները, ովքեր խոչընդոտում են կրթություն ստանալու կանանց բոլոր փորձերին: