Սահմանադրական բարեփոխումների նախագիծն առաջարկում է բարելավել մարդու հիմնարար իրավունքների մասին դրույթը։ Այս մասին սեպտեմբերի 4-ինկայացած խորհրդարանական լսումների ժամանակ հայտարարեց սահմանադրական իրավունքի մասնագետ, Սահմանադրական բարեփոխումների մասնագիտական հանձնաժողովի անդամ Վարդան Պողոսյանը։Նրա խոսքով՝ 2005թ. սահմանադրական բարեփոխումներով իրավունքներն ու ազատությունները չեն տարանջատված չեն։
Նոր նախագծով՝ միջազգային փորձը հաշվի առնելով՝ դասական իրավունքները, որոնք ենթակա են անմիջական պաշտպանության, հավաքված են 2-րդ գլխում, իսկ իրավունքները, որոնց բովանդակությունը պետք է սահմանվի օրենքով՝ 3-րդ գլխում։ Այնտեղ օրենսդրական երաշխիքներից բացի, ամրագրված են պետական քաղաքականության հիմնական նպատակները, որոնցով Կառավարությունը պետք է հաշվետու լինի խորհրդարանին։
Հիշեցնենք, որ սահմանադրական բարեփոխումների նախագիծն արդեն ներկայացվել է խորհրդարանին։ Նրա լիագումար քննարկումը կսկսվի սեպտեմբերի 15-ին։