Հայ եկեղեցու դերը Սահմանադրության նոր նախագծում պետք է հատուկ կերպով ընդգծել։ Այս մասին մասին սեպտեմբերի 4-ին կայացած խորհրդարանական լսումների ժամանակ հայտարարեց ՀՀԿ պատգամավոր, ԱԺ փոխխոսնակ Էդուարդ Շարմազանովը։
Ի թիվս կրոնական այլ միավորների նկատմամբ հարգանքի՝ անհրաժեշտ է երկրի Սահմանադրության մեջ եկեղեցու համար սահմանել հայերի ազգային ինքնության պահպանողի դերը։ «Կարծում եմ, մեր երկրում պետք է ճանաչվի Հայ առաքելական եկեղեցու անգնահատելի դերը հայապահպանության գործում»,- ասել է Շարմազանովը՝ օրինակ բերելով Հունաստանի Սահմանադրությունը, որով ուղղափառ եկեղեցու համար բացառիկ դեր է սահմանված։
Իր հերթին սահմանադրական իրավունքի մասնագետ, Սահմանադրական բարեփոխումների մասնագիտական հանձնաժողովի անդամ վարդան Պողոսյանը նշեց, որ Հայ առաքելական եկեղեցուն կարգավիճակը որպես գերիշխողի սահմանելու որոշումը իրավական տեսանկյունից ճիշտ չէ։
«2005թ. սահմանադրական բարեփոխումների ժամանակ հաջող սահմանում էր տրվել՝ «բացառիկ առաքելություն»։ Դա արտահայտում է բովանդակությունը եւ համահունչ է Մարդու իրավունքների եվրոպական կոնվենցիային։
Կարելի է քննարկել պետության եւ եկեղեցու հարաբերությունների իրավական ձեւակերպումը։ Սահմանադրության ներկայիս տեքստը դրա համար օրենք է առաջարկում, իսկ նոր խմբագրությունը՝ համաձայնագիր։ Կարելի է վիճել, սակայն կարծում եմ, որ մենք գտել ենք Հայ առաքելական եկեղեցու դերը ճանաչող եւ մյուսների նկատմամբ խտրականություն չդնող բալանսը»,- հավելեց նա։