Ոստիկանությունը տեսանյութ է հրապարակել օգոստոսի 27-ին Կոտայքի մարզի Պտղնի գյուղում 34-ամյա Արսեն Ազիզյան սպանության մասին:
Պարզվել է, որ 34-ամյա տղամարդն սպանվել է համագյուղացու՝ Արման Բաղդասարյանի կողմից ժանը 08:00-ի սահմաններում։ Առերեւույթ հանցագործություն կատարած անձը «ԱԿՍ» տեսակի գործարանային արտադրության հրազեն հանդիսացող ինքնաձիգից Պտղնու ձորում՝ 300մ հեռավորությունից կրակել եւ սպանել է Պտղնու ձորում գտնվող ձկնաբուծարանի մոտ կանգնած Արսեն Ազիզյանին:
Պտղնու ձորում՝ տուժողին պատկանող ջրավազանի տարածքից 300մ հեռավորության վրա հայտնաբերվել է 5.45մմ տրամաչափի 21 պարկուճ, ջրավազանի մոտ՝ արնանման լյարթացած հետքեր, կողքի սպիտակ քարերի վրա հրազենային գնդակի հետադարձացատքի երեք հետք, իսկ դիմացի ծառի մոտ 10սմ տրամագծով բնի վրա միջանցիկ հրազենային հետք, ձկնաբուծարանի պահակակետի մուտքի մոտ հայտնաբերվել է 2 հատ որսորդական հրացանի պարկուճ եւ մեկ որսորդական հրացան:
Դիակի վրա հայտնաբերվել է 6 հրազենային վնասվածք, որից 2-ը ձախ ձեռքի արմունկի շրջանում, 2-ը ձախ ուսի շրջանում, 1-ը աջ կրծքավանդակի կենտրոնական մասում, իսկ մյուսը մեջքի կենտրոնական հատվածում:
Սպանության պատճառը, ըստ կասկածյալի, «տնահարված ինքնասիրությունն» է եղել. Բաղդասարյանի պատմելով՝ Ազիզյանը հայհոյել է նրան, ծեծի ենթարկել, այդ պատճառով էլ տնից վերցրել է ինքնաձիգը եւ սպանել Ազիզյանին:
