Ոչ մի խորհրդարան չի կարող աղավաղել ընտրական օրենսգիրքը։  Այս մասին սեպտեմբերի 4-ինկայացած խորհրդարանական լսումների ժամանակ հայտարարեց սահմանադրական իրավունքի մասնագետ, Սահմանադրական բարեփոխումների մասնագիտական հանձնաժողովի անդամ Վարդան Պողոսյանը։

ՀՀ Սահմանադրությամբ՝ խորհրդարանում ձայների եւ ներկայացվածության անհամամասնություն լինել չի կարող։ Բացառություն է կազմում անցումային շեմը, որը կսահմանվի ընտրական օրենսգրքով, եւ մի փոքր բոնուս՝ առավելագույնը 4 տոկոս, որը կարող է ստանալ 2-րդ փուլում հաղթած մի կուսակցությունը կամ կուսակցությունների բլոկը։  «Այսինքն՝ այն ուժը, որը արդեն ժողովրդի քվեարկությամբ ստացել է ավելի քան 50 տոկոս»,- պարզաբանեց Պողոսյանը։

Հաղթած ուժին Ընտրական օրենսգրքով ավելի շատ մանդատ վերագրելու ցանկացած փորձ հակասելու է Սահմանադրության 89-րդ հոդվածին, դրանից բխող հետեւանքներով, ասաց նա։