Հայաստանի էլեկտրաէներգիայի սակագների թանկացումը կարճաժամկետ հեռանկարում գնաճային մեծ ազդեցություն չի ունենա: Այդ մասին մամուլի ասուլիսում հայտարարել է տնտեսագետ, «Այլընտրանք» հետազոտական կենտրոնի տնօրեն Թաթուլ Մանասերյանը:
Նրա կրածիքով, կառավարությունը պետք է իրականացնի էլեկտրաէներգիայի թանկացման համընդհանուր սուբսիդավորում: Ըստ Մանասերյանի, առաջին հերթին խոցելի են սոցիալապես կարիքավոր շերտերն ու փոքր բիզնեսը: «բայց երկարաժամկետ հեռանկարում մենք պետք է ուշադրություն դարձնենք խնդրի լուծման վրա: ՀՀ-ում էլեկտրաէներգիայի սակագինը ոչ թե աճի, այլ նվազման ռեսուրս ունի: Այդ ռեալ հնարավորությունը կա, եթե հաշվի առնենք, թե ինչ ինքնարժեքով են հոսանքն արտադրում տարբեր էլեկտրակայաններ, օրինակ՝ Տաթեւի ՀԷԿ-ը»,- նշել է Մանասերյանը: Նա նշել է, թե հարկավոր լրջորեն ուսումնասիրել Հայաստանի բաշխիչ ցանցերի սեփականատեր, մասնավոր ընկերության գործունեությունը, պարտավորությունները համեմատել պայմանագրի հետ, արդիականացնել ցանցը: «Այդ ամենը չի արվել»,- նշել է Մանասերյանը:
