Նոր Սահմանադրության նախագծով պատգամավորները ընտրություններից հետո չպետք է փոխեն իրենց խմբակցությունները։ Այս մասին սեպտեմբերի 4-ինկայացած խորհրդարանական լսումների ժամանակ հայտարարեց սահմանադրական իրավունքի մասնագետ, Սահմանադրական բարեփոխումների մասնագիտական հանձնաժողովի անդամ Վարդան Պողոսյանը։
Նա նշել է, որ պատգամավորական խմբակցությունները ձեւավորվում են նախընտրական պայքարի արդյունքում եւ պետք է պահպանեն ընտրազանգվածների կամարտահայտումը։ «Եվ որքանո՞վ տրամաբանական կլինի, եթե մենք անվերջ հնարավորություններ տանք լրիվ այլ խմբակցություններ ձեւավորելու համար։ Մենք խմբակցությունից դուրս գալու հնարավորություն ենք տվել, բայց այլ խմբակցություններ ձեւավորելը հակասում է ընտրությունների արդյունքներին»,- ասաց Պողոսյանը։
