Երեւանի Նոր Նորքի 9-րդ զանգվածի բնակարաններից մեկում փետրվարի 6-ին նռնակ պայթեցնելու մեջ մեղադրվող 52-ամյա Մելիք Գալստյանն անմեղսունակ է ճանաչվել: Այս մասին NEWS.am-ին ասաց դատարանում նրա օրինական ներկայացուցիչ, եղբայր Աշոտ Գալստյանը:

«Ինքը չի հասկացել, մինչեւ հիմա էլ չի պատկերացնում, թե ինչ է արել ու հետը ինչ է կատարվում։ Բուժումներ է ստացել, ստանում է, բայց չենք պատկերացրել, որ այդ  աստիճանի է»,- ասաց Աշոտ Գալստյանը։

Փետրվարի 6-ին Նոր Նորքի 9-րդ զանգվածի 17-րդ շենքի  բնակարաններից մեկում Մելիք Գալստյանը նռնակ էր պայթեցրել, ինչի հետեւանքով նրա կինը` Անահիտ Խաչատրյանը, եւ կնոջ քրոջ թոռը` 4-ամյա Ելենան, որը այդ պահին գտնվել է Անահիտի խնամքի տակ, մարմնական վնասվածքներով տեղափոխվել էին հիվանդանոց: Երեխային վիրահատել էին, հեռացրել ձախ ոտքի թաթը։

Մելիք Գալստյանը կլաանավորվել էր, ինքնախոստովանական ցուցմունք տվել եւ ասել, որ խանդի հողի վրա է արել այդ ամենը։

Նա մեղադրվում է ՔՕ 34-104 հոդվածի 2-րդ մասի 6-րդ կետով (սպանության փորձ), եւ ՔՕ 235 հոդվածի 1-ին մասի հատկանիշներով (ապօրինի զենք զինամթերք պահել), գործով առաջին դատական նիստն այսօր էր, որը հետաձգվեց։