Թուրքիայից դեպի հունական կղզիներ սիրիացի գաղթականներ տեղափոխող նավերի խորտակման հետեւանքով մահացած սիրիացի երեխայի լուսանկարը շարունակում է հուզել բոլորին։
Տարբեր պարբերականների նկարիչներ փորձել են 3-ամյա Այլան Քուրդի լուսանկարը նկարել մատիտով եւ այլ միջավայրերում՝ պահպանելով լուսանկարում երեխայի ընկած դիրքը։
Նկարներից մեկում ափին պատկերված են երեխաներ, ովքեր մահացած են, իսկ ծովը նրանց վերմակի պես է ծածկել։
Մեկ այլ նկարում ծովն իր ձեռքի ափի մեջ վեր է բարձրացրել փոքրիկ սիրիացուն։
Նկարներից մեկում էլ ափին ընկած փոքրիկի մոտ դրված է խաղալիք դույլ, իսկ ստվերն այնպիսին է, կարծես փոքրիկը նստած դույլով է խաղում։
Մեկ այլ նկարում կրկին ափին պառկած է փոքրիկը, իսկ նրա ձեռքին սեւ փուչիկներ։
Իսկ նկարներից մեկում էլ պառկած փոքրիկի մի մասը գտնվում է Սիրիայում իր տան ննջարանի անկողնում, իսկ մյուս կեսը պատկերված է Թուրքիայի ափերի մոտ։
Մի նկարում էլ նկարիչը սպիտակ թեւեր է տվել փոքրիկ Այլանին։
