Հանրապետության նախագահին Սահմանադրությամբ երկրի Զինված ուժերի Գերագույն գլխավոր հրամանատար դարձնելը նպատակահարմար չէ։ Այս մասին սեպտեմբերի 4-ինկայացած խորհրդարանական լսումների ժամանակ հայտարարեց սահմանադրական իրավունքի մասնագետ, Սահմանադրական բարեփոխումների մասնագիտական հանձնաժողովի անդամ Վարդան Պողոսյանը։
Նրա խոսքով՝ այստեղ կարող է գործել կառավարման խառը համակարգ ունեցող պետություններին բնորոշ թերություններից մեկը՝ նախագահի եւ խորհրդարանի սահմանագծումը։
«Եթե նախագահական ընտրություններում հաղթի մի ուժ, իսկ խորհրդարանականում՝ մեկ այլ, ապա հանրապետությունը կունենա նախագահ, որը չունի ո՛չ խորհրդարանի, ո՛չ Կառավարության աջակցությունը։ Այսինքն՝ պատասխանատու է, բայց լիազորություններ չունի։ Իսկ մեկը մյուսից անբաժան է»,- ընդգծեց Պողոսյանը։
Եթե նախագահը չի կարող մոբիլիզացնել անհրաժեշտ ռեսուրսները, ապա առաջանում է հարց, որը գլխավոր գերագույն հրամանատարի կոչումը թողում է թղթի վրա։
