Նոր Սահմանադրությամբ երկրորդական է դառնում հայ տղամարդու դերը մեր հասարակությունում: Խորհրդրանական լսումների ժամանակ այսօր`սեպտեմբերի 4-ին, նման կարծիք հայտնեց ՀԿ ներկայացուցիչ Լիա Ավետիսյանը`հավելելով, որ սա մեր արժեհամակարգի խախտում է:
«Ընդհանրապես, այս Սահմանադրության լեզուն տարօրինակ է, օրինակ` հիշատակվում է ամուսնությունը` կնոջ եւ տղամարդու միություն, կներեք, բայց մենք միշտ ասում էինք` այր եւ կին: Էդ ի՞նչ արեցինք, տղամարդկանց ո՞ւր գցեցինք, վերջին էշելո՞նը. հիմա աղջիկների տերերը գնան, տղա ուզե՞ն: Ինչո՞ւ ինչպես ավանդաբար հնչում էր տղամարդու եւ կնոջ միություն, չի հնչում, ինչո՞ւ են տեղերը փոխված, պատահականությո՞ւն է, էլի էդ պրոգրամի՞ստն է սխալվել: Եկեք, տեղը բերենք էլի, էսքան չի կարելի աղավաղել արժեհամակարգը: Սա արժեհամակարգի երեւույթ է, տղամարդը դարձել է 128-րդ տեղի ինչ-որ պարագա` միասեռականներից, կանանցից, հիվանդներից հետո, է հե՞տո, վաղը կռիվ ա լինելու տղամարդկանց եք ուղարկելու, էդքան մերժված, էդքան տրորված տղամարդկանց»,-ասաց նա:
ՀԿ ներկայացուցիչը նաեւ նկատեց, որ նոր Սահմանադրության մեջ չի հնչում հայրենիք, արդարություն եւ նման արտահայտություններ: