Ընտանիքի հետ նավակով Թուրքիայի Բոդրումի շրջանից դեպի հունական կղզիներ անցնելու ժամանակ նավի խորտակման հետեւանքով խեղդված փոքրիկ Այլան Քուրդին թաղվել է ծննդավայրում՝ Քոբանիում։

Թուրքական Bugun պարբերականի փոխանցմամբ՝  ամբողջ աշխարհը հուզած 3-ամյա Այլան Քուրդի, ավագ եղբոր եւ մոր դիակները Ստամբուլից օդանավով տեղափոխվել են Ուրֆա։ Այնուհետ ոստիկանների ուղեկցությամբ դիակները տեղափոխվել են Թուրք-սիրիական սահման։ Սիրիական կողմում սպասող հարազատները մահացածների դիակները տարել են Քոբանի, որտեղ էլ հողին են հանձնվել։

Փոքրիկ Այլանի, նրա եղբոր եւ մոր թաղմանը մասնակցել են նաեւ Թուրքիայի «Ժողովրդա-հանրապետական» կուսակցության եւ քրդական «Ժողովուրդների դեմոկրատական» կուսակցության պատգամավորներ։