Օսմանյան կայսրությունում տեղի ունեցած իրադարձությունների շուրջ փոխհամաձայնության հասնելու հարցում պետք է պատմաբաններն օգնեն: Այս մասին NEWS.am-ի թղթակցի հետ զրույցում հայտարարեց հույն քաղաքագետ, Անկարայի Բիլկենտի համալսարանի պրոֆեսոր Իոաննիս Գրիգորիադիսը՝ պատասխանելով հարցին, արդյո՞ք Օսմանյան կայսրությունում Ցեղասպանությունից տուժած ժողովուրդները (հայերը, հույները, ասորիները, եզդիները) պետք է միասին պահանջներ ներկայացնեն ժամանակակից Թուրքիային:
«Դուք շատ լուրջ եւ հակասական հարց եք բարձրացնում, որը հիմա ավելի դիտարկվում է որպես քաղաքական, այլ ոչ պատմական: Կողմերից ոչ մեկը պատերազմի սարսափներից զերծ չի մնացել, չնայած ոմանք անհավանական մեծ գին վճարեցին:
Իմ կարծիքով, այդ հարցում Սփյուռքին ներգրավելուց ավելի կարեւոր է այդ իրադարձությունների կողմ դարձած բոլոր պետություններում անկախ պատմական հետազոտություն նախաձեռնելը՝ այդ տարիների սարսափելի իրադարձությունների հարցում վերջապես միասնական տեսակետի հասնելու համար»,- հայտարարեց քաղաքագետը: