Սովորաբար մեթանը պահում են բալոններում՝ խտացված տեսքով, բայց դա պահպանության վտանգավոր մեթոդ է՝ պայթյունի վտանգով:
«Մենք ցույց տվեցինք, որ ակտիվացված ածուխը, որը ստացվում է սուրճի մրուրից, մեթանի պահպանման արդյունավետ եւ կայուն միջոց է»,- նշել են Ուլսանի գիտության եւ տեխնոլոգիաների ազգային ինստիտուտից Քվան Քիմն ու նրա գործընկերները:
ՏԱՍՍ-ի փոխանցմամբ, հետազոտողները սուրճի մրուրը թրջել են նատրիումի հիդրօքսիդում, այնուհետեւ տաքացրել 700-900 ջերմաստիճանով տաքացված վառարանում: Մասնագետների խոսքով, այդպիսի «անօգուտ» հումքի օգտագործումը մեթանի պահպանման շատ էժան միջոց է:
Նախկինում տարբեր հետազոտողներ փորձել են մեթանի եւ այլ գազերի պահպանման համար օգտագործել ակտիվացված ածուխը՝ ստացված հին անվադողերից, կոկոսի «կեղեւից», խաղողի կորիզներից եւ նմանատիպ այլ «աղբից»:
