Եգիպտոսի Գիզայի շրջանի Էլ-Ագուզայի դատարանը երկու երգչուհու, որոնք նաեւ պորտապար են պարում, 6-ամսյա ազատազրկման է դատապարտել՝ երաժշտական հոլովակներում անբարոյականություն քարոզելու համար: Այս մասին գրում է The Egyptian Streets պարբերականը:
Մոհամմեդ Ֆաթհիի նախագահությամբ դատարանը երգչուհի եւ պարուհի Սոհա Մոհամմեդին (Շակիրա բեմական անվամբ) եւ Դալիա Քամալին (Paradise-Bardis բեմական անվամբ) մեղավոր է ճանաչել «անամոթ» տեսահոլովակներով անբարոյականություն քարոզելու եւ մերկության համար:
Ըստ Newsru-ի, մեղադրանքն առաջադրվել է իրավաբան Մոհամմեդ էլ-Նեմրայի նախաձեռնությամբ, որը կանանց մեղադրել է Եգիպտոսի վարկանիշն արատավորելու համար: