Ղարաբաղյան հակամարտության հարցում միջնորդական օժանդակություն կարող էր ցուցաբերել նաեւ Իտալիայի կառավարությունը՝ հաշվի առնելով Անդրկովկասում Հռոմի էներգետիկ շահերը: Այս մասին գրել է իտալական Notizie Geopolitiche պարբերականը: Հոդվածում, մասնավորապես, նշվում է.
«Կարելի է մտածել նաեւ այն մասին, թե միջնորդական ինչ դերակատարություն կարող էր ունենալ Իտալիայի կառավարությունը՝ հաշվի առնելով տարածաշրջանում Հռոմի հետաքրքրությունները: Էներգետիկ առումով Իտալիան կապված է Ադրբեջանի հետ՝ հաշվի առնելով Տրանսադրիատիկ գազատարի գործընթացը, որը սկիզբ է առնելու ադրբեջանական Շահ Դենիզից: Վերջնակետը՝ Իտալիան, էներգետիկ հանգույց կդառնա Եվրոպայի համար: Մյուս կողմից, Իտալիան բարեկամական հարաբերություններ ունի Հայաստանի հետ՝ պատմական, մշակութային եւ կրոնական կապերի հիման վրա:
Մնում է հուսալ, որ կողմերը կկարողանան բանակցությունների սեղանի շուրջ նստել, հաղթահարել լարվածությունն ու մեղադրանքները եւ խաղաղության ճանապարհն ընտրել՝ իրենց կարեւոր տարածաշրջանին զարգանալու հնարավորություն ընձեռելով: Արդյո՞ք սա ուտոպիա է: Հարցին կարող են պատասխանել միայն Բաքվի եւ Երեւանի կառավարությունները»: