Հունգարիայում առաջին ավտոբուսը, որը իշխանությունները տրամադրել էին փախստականներին՝ տեղափոխվելու համար, հասել է Ավստրիա, հայտնում է Reuters-ը՝ վկայակոչելով ականատեսներին։
Ավելի վաղ հաղորդվում էր, որ Ավստրիայի սահման մեկնող հարյուրավոր միգրանտներ լքել են Բուդապեշտի կայարանը Հունգարիայի իշխանությունների տրամադրած ավտոբուսներով։ Ընդհանուր առմամբ Հունգարիայի կառավարությունը խոստացել է միգրանտների տեղափոխության համար մոտ 100 ավտոբուս տրամադրել, գրում է «ՌԻԱ Նովոստի»-ն։
Ավստրիայի դաշնային կանցլեր Վեռներ Ֆայմանը հայտարարել էր, որ Ավստրիան եւ Գերմանիան համաձայնվել են ընդունել Մերձավոր Արեւելքի հազարավոր փախստականների։
