Ուրբաթ օրը Կոստա Ռիկայի մայրաքաղաք Սան Խոսեում ուղեւորատար գնացքի ու ավտոբուսի բախման հետեւանքով ավելի քան 30 մարդ է տուժել: Ինչպես հայտնել են փրկարար ծառայությունների ներկայացուցիչները՝ տուժածների շարքերում երեխաներ են ու հղի կանայք: Առնվազն երկու մարդ ծանր վիճակում է:
Վթարը տեղի է ունեցել Կուբա թաղամասի խաչմերուկում: Nación թերթի կայքում տեղադրված լուսանկարներում երեւում է, որ գնացքը մխրճվել է ավտոբուսի մեջտեղի մասը: Ընդ որում գնացքը գծերից դուրս չի եկել ՝ հայտնում է «ՏԱՍՍ»-ը:
Կոստա Ռիկայի երկաթգծային փոխադրումների ծառայության տվյալներով ամեն ամիս մայրաքաղաքի տարածքում միջինը ութ վթար է լինում գնացքների մասնակցությամբ:
