Թուրքիայի «Ազգայնական շարժում» կուսակցության կարգապահական հանձնաժողովը որոշել է կուսակցության շարքերից հեռացնել երկրի փոխվարչապետ Թուղրուլ Թյուրքեշին, հայտնում է NTV հեռուստաալիքը։
Թյուրքեշին հեռացրել են կուսակցությունից Թուրքիայի ժամանակավոր կառավարության անդամ դառնալու համար՝ ի հեճուկս կուսակցության դիրքորոշման, որը հրաժարվել էր ներկայացված լինել նախարարների կաբինետում, գրում է «ՌԻԱ Նովոստի»-ն։
Հիշեցնենք, որ հունիսի 7-ին Թուրքիայում տեղի ունեցած խորհրդարանական ընտրություններում իշխող «Արդարություն եւ զարգացում» կուսակցությունը հավաքել է ընտրողների ձայների 40.8 տոկոսը, ընդդիմադիր «Ժողովրդա-հանրապետական կուսակցությունը» (CHP) ՝ 25 տոկոս, Ազգայնական շարժումը (MHP)՝ 16.3 տոկոս, իսկ քրդական «Ժողովուրդների դեմոկրատական կուսակցությունը» (HDP)՝ 13,1 տոկոս: