Google-ը շուտով կարող է Չինաստանում կիրարկել Google Play ինտերնետային խանութի անալոգը, որը մշակվել է հատուկ այս երկրի համար:
Այս մասին տեղեկությունները տարածել են արտասահմանյան լրատվամիջոցները: ՉԺՀ –ում այս սերվիսի կիրարկման մասին արդեն բանակցություններ են տարվում Չինաստանի կառավարության հետ: Միայն իշխանություններից թույլատվություն ստանալուց հետո Google-ը կկարողանա անցնել իր մտադրությունների իրականացմանը: Ընկերության ծրագրերից է նաեւ ընդլայնել Android Wear պլատֆորման, հայտնում է Informing- ը:
Google -ում հույս ունեն վերադառնալ ինտերնետային ծառայությունների չինական շուկա, չնայած այն շատ խիստ գրաքննության է ենթարկվում երկրի ղեկավարության կողմից: Միեւնույն ժամանակ, եթե Google -ին հաջողվի իր ապրանքը առաջ տանել չինական շուկա, նույնիսկ հաշվի առնելով բոլոր սահմանափակող պահանջները, դրանից կշահեն բոլոր կողմերը: Ընկերությունը նոր օգտատերեր ձեռք կբերի, իսկ իշխանություններն էլ ցույց կտան, որ մեղմացնում են կոշտ վերահսկողությունը:
Նշենք, որ Gmail սերվիսները չեն աշխատում Չինաստանում 2014 թ. սկսած, բայց Google- ի տեղական երկրպագուները բոլոր հնարավոր ձեւերով, այնուամենայնիվ, ձգտում են օգտվել այս ընկերության ծառայություններից:
