ԵԽԽՎ մոնիթորինգային հանձնաժողովը իր խորին անհանգստությունն է հայտնել Ադրբեջանում, լրագրողների, բլոգերների եւ իրավապաշտպանների նկատմամբ կոշտ դատավճիռներ կայացնելու կապակցությամբ։
«Նման դատավճիռները մտահոգություն են առաջ են բերում մարդու իրավունքների եվրոպական կոնվենցիայի չափանիշների պահպանման կապակցությամբ»,- ասված է ԵԽԽՎ կայքում։
Հայտարարության մեջ մասնավորապես ասվում է, որ Լեյլա եւ Արիֆ Յունուսների, Խադիջա Իսմայլովայի գործով դատավճիռները, ինչպես նաեւ Անար Մամադլիի եւ Ռասուլ Ջաֆարովի գործով վերաքննիչ դատարանի որոշումը բռնաճնշումների քաղաքականության դրսեւորում են։
Հանձնաժողովը ընդգծում է, որ Ադրբեջանի իշխանությունները նոյեմբերի 1-ին կայանալիք խորհրդարանական ընտրությունների նախաշեմին երկրում պետք է ապահովեն բազմակարծության, մամուլի ազատության եւ նախընտրական քարոզարշավի ազատության մթնոլորտ։
