ԵՄ արտգործնախարարները Լյուքսեմբուրգում ոչ ֆորմալ հանդիպման ժամանակ քննարկել են արեւելյան գործընկերների հետ հարաբերությունները։ Այս մասին սեպտեմբերի 5-ին կայացած ամփոփ մամուլի ասուլիսի ժամանակ հայտարարել է ԵՄ արտաքին գործերով եւ անվտանգության քաղաքականության գերագույն ներկայացուցիչ Ֆեդերիկա Մողերինին։ Քննարկվել են Ուկրաինայի, Բելառուսի, Վրաստանի, ինչպես նաեւ Հայաստանի եւ Ադրբեջանի հետ հարաբերությունները։ «Ռիգայի գագաթնաժողովից հետո անհրաժեշտ է ուժեղացնել արեւելյան գործընկերների հետ տարվող աշխատանքը»,- նշել է Մողերինին։
Նրա խոսքով՝ միգրացիոն ճգնաժամի ֆոնին իրենք չպետք է մոռանան, որ իրենց արեւելյան հարեւանները աջակցության կարիք ունեն, եւ իրենք շարունակում են աշխատել նրանց հետ։