Սահմանին ստեղծված լարվածությունը Ադրբեջանի իշխանությունների քաղաքականության հետեւանք է։ Այս մասին «Շանթ 2015» զորավարժությունների շրջանակում լրագրողների հետ հանդիպման ժամանակ հայտարարել է Հայաստանի ԶՈւ Գլխավոր շտաբի պետի տեղակալ, ԼՂՀ պաշտպանության նախկին նախարար, գեներալ-լեյտենանտ Մովսես Հակոբյանը։Նրա խոսքով՝ նման սրումը նորություն չէ, եւ անցյալ տարի սրա նման եւ անգամ ավելի վատ իրավիճակ է եղել։
«Հենց որ միջնորդները սկսում են իրենց ակտիվ գործունեությունը, Ադրբեջանը փորձում է ապակայունացնել իրավիճակը՝ միջնորդների ջանքերը նվազեցնելու եւ միջնորդ երկրներին շանտաժի ենթարկելու համար»,- նշել է Հակոբյանը։
Նա միաժամանակ ընդգծեց, որ պատերազմական պայմանները բանակի համար նորություն չեն։
«ԶՈւ-ն ամբողջովին վերահսկում է իրավիճակը»,- հայտարարեց Մովսես Հակոբյանը՝ հավելելով, որ ինքը լարվածության թուլացման հույս ունի։