Հայաստանում անցկացված մարտավարական հրամանատարա-շտաբային վարժանքների գնահատականը վերջնականապես կամփոփվի դրանց ավարտից հետո: Այդ մասին «Շանթ 2015» զորավարժությունների շրջանակում լրագրողների հետ հանդիպման ժամանակ հայտարարել է Հայաստանի ԶՈւ Գլխավոր շտաբի պետի տեղակալ, ԼՂՀ պաշտպանության նախկին նախարար, գեներալ-լեյտենանտ Մովսես Հակոբյանը:
Նրա խոսքով, զորավարժանքներին ներգրավված են 180 գերատեսչություններ, ուստի այս պահին դրանց գնահատական տալն անհնար է: «Սակայն կարող եմ պնդել, որ զորավարժանքների հրամանատարությունը հասել է իր առջեւ դրված նպատակին»,- ընդգծել է Մովսես Հակոբյանը:
Նշենք, որ զորավարժանքները կավարտվեն վաղը, ԶՈՒ ստորաբաժանումների համար միջոցառումները կշարունակվեն մինչեւ սեպտեմբերի 15-ը: