Շվեյցարիայի իշխանությունները որոշել են կասեցնել Volkswagen ավտոկոնցեռնի այն մեքենաների վաճառքը, որոնք կարող են չհամապատասխանել էկոլոգիական չափանիշներին։
Խոսքը Audi, Seat, Skoda եւ VW ապրանքանիշի 180 հազար նոր մեքենաների մասին է, որոնք արտադրվել են 2009-2014թթ.։ Մոտ ապագայում ավելի քան 11 մլն մեքենա կարող է արգելքի տակ հայտնվել, իսկ տուգանքը կարող է կազմել մինչեւ 18 մլրդ դոլար, հայտնում է Gazeta.ru-ն՝ հղում կատարելով BBC News-ին։
Արգելքը գործելու է մինչեւ վնասակար արտանետումների ցուցանիշների կեղծումների հետ կապված իրավիճակը չպարզվի։