Tesla ընկերությունը ներկայացրել է իր առաջին էլեկտրական քրոսովերը ՝ Model X-ը: Շնորհանդեսը, որը հեռարձակվել է օնլայն ռեժիմով, վարել է ընկերության տնօրեն Իլոն Մասկը: Այս յոթտեղանոց ընտանեկան մեքենան կարող է բացել մինչեւ 250կմ/ժ արագություն: Հարյուր կմ/ժ բացելու համար Model X-ից պահանջվում է 3.2-3.8 վայրկյան, ինչը պայմանավորված է շարժիչի տարբերակով: Առանց լրացուցիչ լիցքավորման նորույթը կկարողանա անցնել մինչեւ 400 կմ: Ընդ որում մարտկոցներին տրամադրվելու է ութ տարվա երաշխիք, հայտնում է Gazeta-ն:
Չնայած նոր մեքենայի մատակարարումները նախատեսված են միայն 8-12 ամիս հետո, բայց գներն արդեն հայտնի են: Tesla Model X-ի նվազագույն արժեքը կլինի 130 հազար դոլար: Բարելավված ու ավելի հզոր P90D շարժիչով մոդիֆիկացիաները բնականաբար ավելի թանկ կլինեն:
Էլեկտրոքարը ունի պողպատյա դռներ, որոնք դեպի վերեւ են բացվում: Մյուս մեքենաներին չվնասելու կամ դռները ավտոտնակի պատերին չխփելու նպատակով հետեւի դռները վրա հատուկ հաղորդիչներ են տեղադրված: Մեքենայում ազատ կարելի է տեղավորել հեծանիվներ ու զանազան հարմարանքներ: Իսկ վտանգի դեպքում Model X –ը կարող է ավտոմատ արգելակման համակարգ կիրառել: