Վենեսուելայի նախագահ Նիկոլաս Մադուրոն ժողովրդին կոչ է արել հրաժարվել այն մտքից, որ նավթի գինը նորից կդառնա 100 դոլար մեկ բարելի դիմաց։
Մադուրոն պարզաբանել է, որ Վենեսուելան տնտեսական խնդիրների է բախվել, որոնց պատճառը նավթի գնի անկումն է։ Այս կապակցությամբ նա քաղաքացիներին կոչ է արել բարձրացնել զբաղվածության եւ սննդի արդյունաբերության մակարդակը եւ հավատալ, որ Վենեսուելան կարող է արտադրել ամեն ինչ։ Ընդ որում, պետության ղեկավարը նշել է, որ նավթի մեկ բարելի նոր գինը կկազմի 70 դոլար, հայտնում է Lenta.ru-ն՝ վկայակոչելով El Pais պարբերականը։
20158թ. մայիսին Մադուրոն հայտարարել էր, որ Վենեսուելան համաձայնագրի նախագիծ է պատրաստում, որը ՕՊԵԿ երկրներին եւ նավթարդյունաբերող մյուս պետություններին թույլ կտա կայունացնել նավթի գները եւ վերադարձնել 100 դոլարի մակարդակին։