«Deloitte & Touche» խորհրդատվական ընկերությունը ներկայացրել է Հայաստանի էներգետիկ ոլորտում աուդիտի առաջին փուլի արդյունքները՝ համաձայն Կառավարության, ՀԾԿՀ-ի եւ ընկերության միջեւ կնքած պայմանագրի։ Այս մասին հոկտեմբերի 1-ին կայացած Կառավարության նիստում հայտարարել է միջազգային տնտեսական ինտեգրման եւ բարեփոխումների նախարար, փոխվարչապետ Վաչե Գաբրիելյանը՝ նշելով, որ ընկերությունը պետք է անցկացնի նաեւ աուդիտի 2-րդ եւ 3-րդ փուլը։
Գաբրիելյանը, վկայակոչելով առաջին փուլի արդյունքները, նշել է, որ էլեկտրաէներգիայի սակագնի բարձրացումը հիմնավորված է։ Նա նաեւ հավելել է, որ հետխորհրդային տարածքում էլեկտրաէներգիայի սակագինը ավելի բարձր է միայն Մոլդովայում։
Ավելի վաղ NEWS.am-ը հայտնել էր, որ սեպտեմբերի 30-ին «Deloitte & Touche» խորհրդատվական ընկերությունը ներկայացրել է աուդիտի առաջին փուլի արդյունքները։ Աուդիտի ամփոփիչ մասում նաեւ ասվում է. «Կատարված վերլուծության արդյունքում մենք եզրահանգեցինք, որ ՀԱԷԿ-ի վերանորոգման ծրագրի բաշխումը երկու սակագնային տարիների միջեւ, «Հրազդան -5»-ի նոր բլոկի բեռնավորման հետ մեկտեղ, թույլ կտա պահպանել վերջնական սակագինը ընթացիկ մակարդակում: